Анкета за ECTS

Повик за платена научна пракса на Заедничкиот истражувачки центар на Европската комисија

Почитувани,

Министерството за образование и наука се обрати до Универзитетот „Св. Кирил и Методиј“ во Скопје за споделување на Повик за платена научна пракса на Заедничкиот истражувачки центар на Европската комисија.

За таа цел, во прилог Ви испраќам содржина за споделување на веб-страницата на Вашата единица.

Содржината на текстот кој треба да се сподели на веб-страниците на Вашата единица, е следна:

„Повик за платена научна пракса на Заедничкиот истражувачки центар на Европската комисија

Заедничкиот истражувачки центар на Европската комисија (JRC) нуди платенa научнa пракса за научни практиканти. Подетални информации, профил на кандидати и критериуми се достапни во Анекс I во следниов линк за апликација.

За практикантствата што почнуваат во март 2026 година, JRC овозможува учество на околу педесет (50) научни практиканти, во различни тематски области како здравство, индустрија и вселена, природни ресурси, мобилност, граѓанска безбедност за општеството, животна средина и климатски промени, нуклеарна безбедност и сигурност, управување со кризи, дигитална трансформација и податоци, сајбер безбедност, вештачка интелигенција итн.

Местото на пракса може да биде едно од следниве локации на JRC: Гел (Белгија), Испра (Италија), Карлсруе (Германија), Петен (Холандија) или Севиља (Шпанија).

Лицата кои ќе аплицираат на Повикот потребно е да пратат потврда за својата апликација на следната e-mail адреса: n.p.kostovska@ukim.edu.mk“

Саем за пракса и вработување TECHMECH 2025

Успешно заврши саемот за пракса и вработување TECHMECH 2025

На 8 и 9 октомври 2025 година, во просториите на Машинскиот факултет – УКИМ, се одржа дводневниот Саем за пракса и вработување TECHMECH 2025, во организација на Факултетското студентско собрание на Машинскиот факултет, Машинскиот факултет приУКИМ, Центарот за кариера при УКИМ, ЦИЗИ и ЦИРКО.

Настанот и оваа година ја оправда својата цел – да ги поврзе студентите со индустријата и да создаде простор за размена на знаење, искуства и можности.

Во рамките на TECHMECH 2025 учество земаа 25 компании партнери од различни сектори: Adient, Alkaloid, Amphenol, Draxlmaier, Fero Invest, Gentherm, Gerresheimer, Halkbank AD Skopje, Inter Construction, Johnson Matthey, Kentaur Impex, LEAR Corporation, LTH, MAN, Mikrosam, OKTA AD, PwC, Rade Končar TEP, Road Legends, Pivara Skopje AD, Telamon, Triglav Osiguruvanje, Vardar Dolomit, VDL Van Hool и Wabtec.

Посебна благодарност беше упатена до златните партнери: Road Legends, Mikrosam, LTH, Gerresheimer, VDL Van Hool, Fero Invest, Draxlmaier и Triglav osiguruvanje.

Покрај изложбениот дел, TECHMECH 2025 понуди богата програма со две панел дискусии и три работилници, на кои студентите имаа можност да стекнат практични знаења, да слушнат инспиративни приказни и да се запознаат со реалните инженерски процеси во компаниите.

Саемот беше посетен од голем број студенти од целиот Универзитет „Св. Кирил и Методиј“ во Скопје, кои имаа можност да се запознаат со можностите за пракса, програми за млади инженери и потенцијални вработувања.

Благодарение на заедничката енергија на студентите, професорите и компаниите, TECHMECH 2025 уште еднаш покажа дека кога универзитетската заедница и индустријата соработуваат – добива целото општество