Машински факултет - Скопје

Универзитетот „Св. Кирил и Методиј“ во Скопје е дел од европскиот конзорциум на проектот TECHSIGHT, кој е добитник на финансирање од Horizon Europe EIT Higher Education Initiative, во рамките на повикот за проекти 2024. Машинскиот факултет, како координатор, и Факултетот за информатички науки и компјутерско инженерство, како партнер, се директни учесници во реализација на активностите на проектот TECHSIGHT.

МАШИНСКИ ФАКУЛТЕТ СО НАТПРЕВАРОТ ЗА СРЕДНИ ШКОЛИ ВЛЕЗЕ МЕЃУ ПЕТТЕ ФИНАЛИСТИ ЗА ЕВРОПСКАТА НАГРАДА „ЗЕЛЕНИ ВЕШТИНИ“

Националниот натпревар за зелени иновации на Машинскиот факултет при Универзитетот „Св. Кирил и Методиј“ во Скопје е меѓу петте финалисти за европската награда „Зелени вештини“.

„Натпреварот за зелени иновации за средни училишта, кој во изминатите 18 години го организира Машински факултет, влезе во конкуренција на најдобрите пет практики од повеќе од 250 апликации од над 50 земји на натпреварот Green Skills Award 2025, што го организира European Training Foundation“, објавија од факултетот.

Гласањето за победници е онлајн и трае до 30 јуни. Победниците ќе бидат соопштени наесен. Останатите финалисти се од Турција, Тунис, Шпанија и Казахстан.

Наградата „Зелени вештини“ е глобална иницијатива која беше воведена во 2021. Секоја година се објавуваат идеи и иновации благодарение на поединци и институции.

„Оваа иницијатива стана извор на добри практики што можат да ги инспирираат луѓето насекаде да направат вистински промени во создавањето кружни и јаглеродно неутрални економии и општества и да придонесат за одржлив развој“

Министерството за образование и наука и Машинскиот факултет – Скопје при УКИМ организираат ИНФО ДЕН посветен на можностите за поддршка на научно – истражувачката дејност во Македонија преку соработката со Здружениот истражувачки центар (JRC) на Европската комисија.

Агендата за настанот е достапна на следниот линк (овде линк до PDF документот во прилог). Настанот е отворен за сите истражувачи. Ве молиме Вашето присуство да го потврдете преку регистрација на следниот линк https://forms.office.com/e/zwdGws2pbz

JRC Info Day Agenda

ПРОГРАМА ЗА ГОДИШНА КОНФЕРЕНЦИЈА НА ДОКТОРСКИ СТУДИИ ЛЕТЕН СЕМЕСТАР 2024/2025 ГОДИНА 26 МАЈ – 6 ЈУНИ 2025 ГОДИНА