Работилница за студенти

Во рамки на проектот „Дигитално моделирање и управување на постројка за пречистување на отпадни води“, финансиран од МОН, на 27.10.2026 е организирана работилница за студенти, на која беше презентиран начинот на функционирање на опремата за мерење на параметрите на пречистителната станица за отпадни води, следењето на мерените податоци во реално време и основните фази на водниот циклус во лабораторискиот систем. Работилницата опфати приказ на четирите основни станици во состав на системот EDS Water Management од Festo Didactic: пречистување на вода, водоснабдување, транспорт на отпадни води и третман на отпадни води. Работилницата беше спроведена од доц. д-р Радмила Колева Христова и доц. д-р Марија Лазаревиќ.