Тест за бруцоши

Машинскиот факултет - Скопје организира тестирање на студентите од прва година со награда школарина на максимум еден најдобар студент од секоја студиска програма. Наградата се состои во ослободување од партиципација почнувајќи од вториот семестар до крајот на студирањето доколку се исполнат условите пропишани од страна на МФС.

Тестот се состои од 60 кратки прашања со цел да се испитаат општите познавања во областа на техничките науки. Терминот за одржување на овој тест е на 07.11.2019 година во 18 часот во амфитеатарот на Машинскиот факултет - Скопје.

Наградата не е во судир со било какви други стипендии или награди кои ги добивате или би можеле да ги добиете во иднина.