TECHSIGHT – Курс за лидерство во високото образование

Дали сте академски лидер или се стремите да станете? Дали сте заинтересирани да придонесете кон обликувањето на иднината на високото образование, зајакнувањето на стратешкото лидерство и поттикнувањето на иновациите во вашата институција?

Во рамки на проектот TECHSIGHT е развиен Курс за лидерство во високото образование (HEI Leadership Course), кој нуди вредни сознанија и практични пристапи за стратешко лидерство, трансформација кон универзитети од четврта генерација и соработка меѓу факултетите во областа на длабоките технологии (Deep Tech).

Во моментов се достапни првите три епизоди од курсот, кои обработуваат клучни концепти и пристапи за успешно управување со институционалните промени, зајакнување на академското лидерство и развој на иновациски екосистеми во високото образование.

Погледнете ги достапните епизоди:

• Епизода 1 – Вовед во курсот за лидерство во високото образование
• Епизода 2 – Стратешко лидерство и трансформација кон универзитети од четврта генерација
• Епизода 3 – Меѓуфакултетска соработка и иновации во областа на длабоките технологии

Наскоро следуваат и нови епизоди!

За да бидете во тек со следните епизоди и да откриете дополнителни ресурси наменети за сегашните и идните академски лидери, следете го проектот TECHSIGHT на LinkedIn и на официјалниот YouTube канал.

Република Македонија во проектот TECHSIGHT е претставена преку Универзитетот „Св. Кирил и Методиј“ во Скопје (УКИМ), со учество на Машинскиот факултет и Факултетот за информатички науки и компјутерско инженерство (ФИНКИ).

Преку учеството во проектот, како и преку поддршката на иницијативата за развој на Иновацискиот дистрикт во Скопје, УКИМ активно придонесува кон зајакнување на меѓуинституционалната соработка, размената на знаења и поттикнувањето на иновациите во високообразовниот екосистем.