Предметот e дизајниран со цел да им обезбеди на студентите врвни компетенции за успешно раководење и реализација на проекти во инженерската и деловната пракса.
Главната цел на оваа предметна програма е целосно оспособување на студентите за препознавање и примена на модерен проектен пристап во секојдневната работа. Преку совладување на материјата, студентите развиваат способност самостојно и тимски да ја дефинираат целта, обемот, главните фази и клучните излези на екосистемот на еден проект. Програмата има за задача да ги научи идните инженери како прецизно да ги терминираат проектните активности, да ги определуваат и контролираат проектните трошоци, како и да вршат постојана оптимизација на проектот во однос на четири клучни столба: трошоците, располагањето со ресурси, одржувањето на високиот квалитет и строго почитување на временските рокови.
Што се однесува до содржината, предметната програма започнува со фундаментално запознавање со тоа што претставува проект и проектен менаџмент, нагласувајќи ја суштинската важност од работењето со проекти во современите организации. Студентите навлегуваат во дефинирањето на конкретни задачи, потребните ресурси и нивните ангажмани, при што се запознаваат со напредни техники на мрежно планирање. Во продолжение, програмата опфаќа изучување на матрично-проектната структура, алоцирањето на ресурсите, како и дефинирањето на работните календари и реалната расположливост на ресурсите. Студентите се стекнуваат со знаења за целокупно управување со проектот, оптимизација на проектните активности, но и со критички важни вештини за менаџирање на ризиците кои можат да се појават во текот на проектот. Предметната содржина завршува со анализа на специфичните карактеристики и предизвици кои ги носат меѓународните проекти.
- Наставник: Aleksandar Argilovski
- Наставник: Trajce Velkovski