Цели
Воведување во современите методи и техники на моделирање со примена на CFD;
оспособување за користење софтверски апликации за проектирање; анализа и решавање
на стационарни, нестационарни и динамички системи од областа на термичкото
инженерство и енергетиката.
Оспособеност за подготовка на математички модел на термички објект и процес; примена
на соодветна техника за нумеричко моделирање и симулации; анализа и толкување на
резултатите, точноста, стабилноста и веродостојноста на воспоставениот модел.
Содржина
Вовед во математичко моделирање на термички процеси и термичка анализа со
компјутерска динамика на флуиди (CFD). Аеродинамички процеси. Турбулентно струење.
Аеродинамички процеси со учество на дискретна фаза. Равенки за пренос на топлина.
Определување гранични и почетни услови.
Метод на конечни волумени, дискретизација и нумеричко решавање на водечки равенки.
Пресметковен домен, геометрија, нумеричка мрежа. Моделирање на струења со хемиски
реакции. Моделирање на согорување. Моделирање на пренос на енергија со CFD/CTA.
Основни закони и пренос на топлина со термичко зрачење. Пренос на топлина кај
постројки за согорување. Моделирање на пренос на топлина со термичко зрачење.
Методи за моделирање на нестационарни процеси. Постпроцесирање. CFD техника за
симулација на работа на пламеници, комори за согорување, котелски постројки,
индустриски постројки и процеси. Моделирање на формирање и редукција на полутанти.
- Наставник: Ристо Филкоски