МФС Moodle

Предметот опфаќа изучување на основните принципи, карактеристики и примена на производните технологии во металопреработувачката индустрија, со посебен акцент на обработките со симнување материјал и со пластична деформација. Се изучуваат физичките и технолошките основи на процесите, влијанието на процесните параметри врз квалитетот на обработката, како и карактеристиките и примената на алатите и машините. Се обработуваат и основните принципи на неконвенционалните постапки на обработка, нумерички управуваните машини (CNC) и современите пристапи во производството.

Целта на предметот е студентите да стекнат основни познавања за производните технологии, алатите и машините што се применуваат во индустријата, како и да се запознаат со нивните технолошки карактеристики и области на примена.

Предметот ги опфаќа основните принципи и практичната примена на компјутерски поддржаното инженерство (CAE), со посебен акцент на нумеричките симулации со примена на методот на конечни елементи (FEM). Студентите се запознаваат со моделирање и анализа на механичкото однесување на машински делови и склопови, вклучувајќи определување на напрегања, деформации и поместувања при различни услови на оптоварување.

Во понатамошниот дел од предметот се изучува примената на нумеричките симулации за анализа и оптимизација на производни процеси, со посебен осврт на инјекционото вбризгување на полимери и обработките со пластична деформација. Преку практични вежби студентите стекнуваат вештини за подготовка на нумерички модели, дефинирање на гранични услови, спроведување симулации и интерпретација на добиените резултати.

Термодинамика на процесите на компримирање.

Струјни процеси.

Турбокомпресори – нумерички методи за симулација на струењето; работни карактеристики, перформанси; оптимално дизајнирање; регулирање. 

Волуменски компресори – клипни, завојни, спирални; термодинамички и струјни процеси; дизајнирање; перформанси; регулирање.

Компресорски станици – клипно компресорски, турбокомпресорски, завојно компресорски

Системи за ладење, сушење, филтрирање и складирање; проектирање на компресорски станици; експлоатација и одржување

Дефинирање на работните оптоварувања и пресметка на елементите и на системите од моторните возила. Дефинирање на работните оптоварувања и вршење на конкретни пресметки на елементите, склоповите и системите од моторните возила.

Пресметка на елементите од системот за пренос на силина, погонски / непогонски мостови, потпирање, управување, кочење. Анализа
на сили и оптоварувања со помош на софтверски пакети.

Проблемите од загадувањето на животната средина. Детерминирање на клучни еко проблеми. Дефинирање на основната терминологија. Дизајнирање за животната средина, цели и принципи. Стратегии за еко дизајн, основни правила и методологии. Имплементација на стратегиите за еко дизајн во дизајнот на производите. Материјали и нивната вградена енергија. Рециклирани материјали. ЕУ препораки и регулативи за избор на материјали. Препораки за избор на материјали. Проценка на животен циклус. Стратегии за крај на животниот циклус на производите. Стратегии за продолжување на животниот век на производите. Дизајн за демонтажа. Стратегии за поврат, рециклирање, репроизводство, реупотреба. Стандарди и закони за зачувување на животната средина. Еко ознаки и начин на означување на производите. Анализа на успешни примери на еко производи.

Видови на далечинско греење; комбинирано производство на топлинска енергија; анализа на топлификациони дијаграми и конципирање на оптимална енергетска структура; шеми на системи за далечинско греење и ладење; регулација на системите и опремата за централно снабдување со топлина и студ; дијаграми на температурите и протоците на вода во системите за ГВК; енергетска ефикасност во системите за централно снабдување со топлина и студ; цевни мрежи во системите за греење и ладење; хидраулични режими на цевните мрежи за далечинско греење и ладење; термално складирање на топлина и студ.