МЕХАТРОНИКА

Насоката Хидраулично енергетско инженерство (ХЕИ) на Машинскиот факултет – Скопје нуди цврста основа во областите на механиката на флуидите, хидроенергетските системи и хидрауличните машини, подготвувајќи ги студентите да проектираат системи за искористување на енергијата од флуидите.

На насоката ХЕИ на Машинскиот факултет – Скопје, студентите ќе се запознаат со:

• • Основните принципи на механиката на флуидите
  • Хидраулични машини
  • Хидрауличен и пневматски транспорт
  • Мерења кај струјнотехничките системи
  • Цевководни системи (водоводи и гасоводи)
  • Системи за водоснабдување и наводнување
  • Хидроенергетски објекти и хидромашинска опрема
  • Пречистување на отпадни води
  • Аеродинамички системи.

Оваа област е значајна за унапредување на инженерските системи од аспект на обезбедување на чиста енергија, ефикасност на водните системи и развој на нови технички решенија за искористување на енергијата од флуидите.

Цел на насоката

Инженерите кои ќе дипломираат на насоката ХЕИ ќе се стекнат со потребните знаења и вештини за проектирање на хидраулични машини, хидромашинска опрема и хидроенергетски системи применувајќи ги принципите на механиката на флуидите..

Некои од главните компетенции со кои се стекнуваат студентите на насоката

• • Разбирање и примена на законитостите во механиката на флуидите.
  • Примена на нумерички алатки за моделирање и симулации на струјните процеси (CFD).
  • Познавање на мерна опрема и оспособување за мерења на струјнотехнички параметри, анализа и обработка на податоци.
  • Практично познавање на условите за проектирање, конструкција и експлоатација на хидраулични турбини и дефинирање на нивните работни параметри.
  • Разбирање и примена на принципите врз кои се базираат конструкцијата и работните карактеристики на турбомашините (пумпи и турбини).
  • Примена на знаењето за методите на третман на отпадните води во комуналниот и индустрискиот сектор.
  • Познавање на начините на добивање, транспорт и еколошко складирање на различните видови гасови и решавање на гасификациски системи со примена на софтвер.
  • Примена на концептот и целите на одржливиот развој и влијанијата на енергетските постројки во придонесот кон него.
  • Примена на основите на енергетскиот менаџмент.
  • Примена на знаењето за системите за хидрауличен и пневматски транспорт при креирање на математички модели за хидраулична пресметка на системите.
  • Разбирање на основните системи за водоснабдување и наводнување и нивно проектирање, експлоатација и одржување.
  • Познавање, примена и експлоатација на хидрауличните волуменски машини.
  • Знаење за основните хидроенергетски објекти и хидромашинска опрема при нивното проектирање, пресметка и конструкција.
  • Познавање на основните закони на аеродинамиката и нивна примена при решавање на практични проблеми во машинството и други области во техниката. Примена со експериментална аеродинамика во лабораториски услови.

Примери на дипломски работи од насоката Хидраулично енергетско инженерство

Огнен Целески

МОЖНОСТИ НА КОМБИНИРАН ЕНЕРГЕТСКИ ЈАЗОЛ ОД МХЕЦ И ФОТОВОЛТАИЧНА ЦЕНТРАЛА

Драгана Мицкоска

ЕКСПЕРИМЕНТАЛНА И НУМЕРИЧКА АНАЛИЗА НА ПРСТЕНЕСТА ВОДОВОДНА МРЕЖА

Петар Таневски

ЕКСПЕРИМЕНТАЛНО И НУМЕРИЧКО ИСТРАЖУВАЊЕ НА МОДЕЛ НА ВЕТЕРНА ТУРБИНА/МОЖНОСТИ ЗА ЗГОЛЕМУВАЊЕ НА ЕФИКАСНОСТА

Александар Стојановски

НУМЕРИЧКО ИСТРАЖУВАЊЕ НА АЕРОДИНАМИЧНИ КАРАКТЕРИСТИКИ НА МОДЕЛ ОД ТРКАЧКИ АВТОМОБИЛ

Марко Јовановски

НУМЕРИЧКО И ЕКСПЕРИМЕНТАЛНО ИСТРАЖУВАЊЕ НА ХИДРАУЛИЧНО СТРУЕЊЕ НИЗ ВОЗДУШЕН КАНАЛ СО ДЕФЛЕКТОРИ

Дипломираните инженери на ХЕИ ќе поседуваат разбирање на спефицичностите на хидраулични машини, хидромашинска опрема, хидроенергетски и транспортни системи системи според потребите на индустријата. Здобивајќи се со теоретско и практично знаење преку експериментални мерења во лабораториски услови и преку изучување и примена на софтверски алатки за моделирање и симулирање на струењето на флуидите, студентите ќе можат да ги применат стекнатите знаења и вештини во реални инженерски системи.

Со диплома од насоката ХЕИ, студентите би можеле да се вработат во:

• • Енергетскиот сектор (хидроенергетика или обновливи извори на енергија): хидроцентрали, компании за производство на пумпи или хидраулични турбини, бироа за проектирање и развој на хидротехничка опрема, компании за производство и транспорт на електрична енергија.
  • Водоводни претпријатија и инфраструктура: системи за водоснабдување, станици за пречистување на отпадни води, системи за наводнување.
  • Агенции за контрола на поплави и безбедност на брани.
  • Индустриски фабрики и производствени капацитети – во сектори како рударство, воздухопловна индустрија, енергетика
  • Владини агенции и јавни институции (Водостопанство на РСМ, Министерство за животна средина и просторно планирање на РСМ, Министерство за енергетика, Регулаторна комисија за енергетика, водни услуги и услуги за управување со комунален отпад, Електрани на Северна Македонија)

Институти за истражување и развој (универзитети, истражувачки центри, лаборатории, центри за иновации и технолошки развој)..

Студентите може да најдат соодветно работно место како:

• • проектанти на хидрауличните системи/машини
  • инженери за експлоатација и одржување на системите
  • инженери за надзор и изведба на хидротехнички инсталации
  • проектанти на цевководни системи и пумпни станици
  • експерти за моделирање и симулации на струење низ хидраулични системи/машини
  • истражувачи во институти за истражување, одржливост и технолошки развој
  • консултанти во креирањето на политики во водниот и енергетскиот сектор
  • технички оценувачи на јавни тендери.

Со повеќегодишно искуство и континуирано усовршување, студентите може да се пронајдат и на следниве позиции:

• • Тим лидер
  • Раководител на проект
  • Технички директор

Менаџер на оддел.

Д-р Игор Илиев (дипл. машински инженер) / Senior Specialist Engineer, Aker Solutions - Hydropower, Oslo, Norway Додипломски студии и магистратура на Машински факултет – Скопје (МФС) Докторат и пост-докторат на Norwegian University of Science and Technology (NTNU)

Машинскиот факултет ми помогна да стекнам солидни знаење во областа на енергетиката и овде ја открив мојата пасија за хидроенергијата – еден од најчистите и најодржливи извори на енергија. Практичната настава, стручниот кадар и можноста за работа на реални проекти ми овозможија да ги развијам вештините потребни за успешна кариера. Но, факултетот ми подари и нешто подеднакво вредно – колеги кои станаа доживотни пријатели и мрежа на професионалци со кои заедно го градиме енергетскиот сектор.

Ако сакаш да придонесеш за одржлива енергетска иднина, Машинскиот факултет е твојот пат!

Томи Огњановски (дипл. машински инженер) / Директор на сектор Развој, МЗТ Пумпи АД Скопје

Знаењето стекнато во текот на студирањето на оваа насока, допринесе за остварување на мојот сон за работа во фирма каде ќе бидам директно вклучен во развој на нови и усовршување на постоечки хидротурбински машини.

Тоа студирање помогна да дојде до израз мојата креативност и имагинација во областа на хидротурбинските машини исцртувајќи ги контурите на мојот професионален пат.

• Насоката ХЕИ им овозможува на студентите пристап до мерна опрема која се применува во реалните хидраулични системи
• Насоката ХЕИ им дава можност на студентите за примена на нумерички софтвери за моделирање на стационарни и преодни режими на струење на флуиди во цевководните системи и хидрауличните машини
• Преку насоката ХЕИ студентите можат да спроведат истражување поврзано со примена на CFD на Универзитет во средноисточно-европска земја преку мрежата Building Network and Experience Exchange во склоп на меѓународната академска програма CEEPUS за размена на студенти и професори
• Студентите од насоката ХЕИ активно учествуваат во проекти за дизајн на аеродинамични објекти (аеропрофили на воздухопловни објекти, компоненти на тркачки болид, ветерни турбини).